വടകര കുട്ടോത്ത് അയല്‍വാസിയുടെ കുത്തേറ്റ് മൂന്ന് പേർക്ക് പരിക്ക്. കഴിഞ്ഞ ദിവസം രാത്രി 7.30 ഓടെയാണ് സംഭവം. മലച്ചാല്‍ പറമ്പത്ത് സ്വദേശികളായ ശശി, രമേശന്‍, ചന്ദ്രന്‍ എന്നിവർക്കാണ് കുത്തേറ്റത്. ഇവരുടെ അയല്‍വാസി ഷാനോജാണ് അക്രമം നടത്തിയത്. പരിക്കേറ്റ മൂന്നുപേരെയും ഉടൻ തന്നെ കോഴിക്കോട്ടെ സ്വകാര്യ ആശുപത്രിയില്‍ പ്രവേശിപ്പിച്ചു.
ഇതിൽ ശശിയുടെ നില ഗുരുതരമാണ്. ശശിയുടെ സഹോദരനാണ് കുത്തേറ്റ രമേശൻ. പ്രതി ഷനോജിനെ വടകര പോലീസ് കസ്റ്റഡിയിലെടുത്തു. പ്രതി അക്രമം നടത്തിയതിന്റെ കാരണം വ്യക്തമല്ല. സംഭവത്തിൽ കേസ് രജിസ്റ്റർ ചെയ്ത വടകര പോലീസ് അന്വേഷണം ആരംഭിച്ചു
Post a Comment