വയനാട് ഉരുൾപൊട്ടൽ ദുരന്തബാധിതരുടെ 386 ലക്ഷം രൂപയുടെ വായ്പകള്‍ എഴുതിത്തള്ളുമെന്ന് കേരളാ ബാങ്ക്.

വയനാട് ഉരുൾപൊട്ടൽ ദുരന്തബാധിതരുടെ 386 ലക്ഷം രൂപയുടെ 207 വായ്പകള്‍ എഴുതിത്തള്ളുമെന്ന് കേരളാ ബാങ്ക്. റവന്യൂ വകുപ്പില്‍ നിന്നും ലഭിച്ച കണക്കുകളുടെ അടിസ്ഥാനത്തിലാണ് തീരുമാനം. കേരള ബാങ്കിന്റെ ചൂരൽമല, മേപ്പാടി ശാഖകളിലെ 9 വായ്പകളിലായി 6.36 ലക്ഷം രൂപ ഇതിനകം എഴുതിത്തള്ളിയിരുന്നു.

 ചൂരൽമല ഉൾപ്പെടെയുള്ള പ്രദേശങ്ങളിലെ അയൽക്കൂട്ടങ്ങളുടെ അംഗങ്ങൾക്കായി പരമാവധി രണ്ട് ലക്ഷം രൂപ വരെയുള്ള പുതിയ വ്യക്തിഗത വായ്പ പദ്ധതി നടപ്പിലാക്കാനും ബാങ്ക് തീരുമാനിച്ചിട്ടുണ്ട്. കുടുംബശ്രീ അംഗങ്ങൾക്കാണ് വായ്പകൾ നൽകുക.