ശബരിമലയടക്കം രാജ്യത്തെ 18 തീർത്ഥാടന കേന്ദ്രങ്ങളിലേക്ക് കേന്ദ്ര സർക്കാർ റോപ് വേ പദ്ധതി പ്രഖ്യാപിച്ചു.

ശബരിമല അയ്യപ്പ ക്ഷേത്രം ഉൾപ്പെടെ രാജ്യത്തെ 18 തീർത്ഥാടന കേന്ദ്രങ്ങളിൽ റോപ് വേ പദ്ധതി പ്രഖ്യാപിച്ച് കേന്ദ്രസർക്കാർ. ശബരിമലയിൽ പമ്പ മുതൽ സന്നിധാനം വരെ 2.62 കിലോമീറ്റർ ദൈർഘ്യം വരുന്ന റോപ് വേയാണ് നിർമിക്കുകയെന്ന് കേന്ദ്രസർക്കാർ വൃത്തങ്ങൾ  പറഞ്ഞു. 

ബൽത്താൽ- അമർനാഥ് ഗുഹ (11.6 കി.മീ), തമിഴ്നാട് പർവതമലൈ ക്ഷേത്രം (3.21 കി.മീ), ഹിമാചലിലെ ചാമുണ്ഡീദേവി ക്ഷേത്രം (6.5 കി.മീ.), ജയ്പൂർ നഹർഗഞ്ച് കോട്ട-അമർ കോട്ട (6.45 കി.മീ.) എന്നിവയാണ് പ്രഖ്യാപിക്കപ്പെട്ട പ്രധാന റോപ് വേ പദ്ധതികൾ. ഇത്തരത്തിൽ 18 റോപ് വേ പദ്ധതികൾക്കുള്ള വിശദമായ രൂപരേഖ തയാറാക്കാൻ കേന്ദ്ര സർക്കാർ കൺസല്‍ട്ടന്റുമാരെ ക്ഷണിച്ചിട്ടുണ്ട്.