കേരളത്തില്‍ തിങ്കളാഴ്ച വരെ മഴ തുടരുമെന്ന് കാലാവസ്ഥാ മുന്നറിയിപ്പ്, ഇന്ന് മൂന്ന് ജില്ലകളില്‍ മഞ്ഞ ജാഗ്രത.

കേരളത്തില്‍ അടുത്ത അഞ്ച്  ദിവസം കൂടി മഴ തുടരുമെന്ന് കാലാവസ്ഥാ മുന്നറിയിപ്പ്. ശ്രീലങ്കയ്ക്ക് സമീപത്തായി ചക്രവാതച്ചുഴിയും വടക്കൻ കേരളം മുതൽ മഹാരാഷ്ട്ര വരെ  ന്യൂനമർദ്ദ പാത്തി സ്ഥിതി ചെയ്യുന്നതാണ് മഴയ്ക്ക് കാരണം.

ഇന്ന് ഇടുക്കി, കോഴിക്കോട്, വയനാട്  ജില്ലകളിലും നാളെ പത്തനംതിട്ട, കോട്ടയം, എറണാകുളം,  ഇടുക്കി ജില്ലകളിലും മഞ്ഞ ജാഗ്രത  പ്രഖ്യാപിച്ചു. തെക്ക് ആൻഡമാൻ കടലിൽ രൂപപ്പെട്ട ന്യൂനമർദ്ദം വടക്ക് പടിഞ്ഞാറു ദിശയിൽ സഞ്ചരിച്ച്  ഇന്ന്  ബംഗാൾ ഉൾകടലിൽ തീവ്ര ന്യൂനമർദ്ദമായി മാറുമെന്ന് കേന്ദ്ര കാലാവസ്ഥ വകുപ്പ് അറിയിച്ചു.