കോഴിക്കോട് ജില്ലാ ഇൻഫർമേഷൻ ഓഫീസിൽ നിന്നുള്ള അറിയിപ്പുകൾ

കോഴിക്കോട് ജില്ലയിൽ വനം വന്യജീവി വകുപ്പിൽ ബീറ്റ് ഫോറസ്റ്റ്  ഓഫീസർ (cat.no.92/2022,93/2022) (ഉപജീവനത്തിനുവേണ്ടി വനത്തെ ആശ്രയിച്ചു കഴിയുന്ന ആദിവാസി വിഭാഗത്തിൽപെട്ട പട്ടികവർഗ്ഗക്കാർക്കായുളള പ്രത്യേക നിയമനം) തസ്തികയിലേക്കുള്ള  ശാരീരിക  അളവെടുപ്പും കായിക ക്ഷമതാ പരീക്ഷയും ഡിസംബർ 12ന് ഗവ:കോളേജ് ഓഫ്  ഫിസിക്കൽ എഡ്യൂക്കേഷൻ , ഈസ്റ്റ് ഹിൽ കോഴിക്കോട് കേന്ദ്രത്തിൽ നടക്കും. ഉദ്യോഗാർത്ഥികൾ രാവിലെ 5 മണിക്ക് മുൻപായി പരീക്ഷ കേന്ദ്രത്തിൽ എത്തിച്ചേരേണ്ടതാണ്. കൂടുതൽ വിവരങ്ങൾക്ക്: 04952371971

തിയ്യതി മാറ്റി 

നിലവിൽ സംരംഭം തുടങ്ങി 5 വർഷത്തിൽ താഴെ അല്ലെങ്കിൽ പ്രവർത്തന കാര്യക്ഷമത നേടുവാൻ കഴിയാത്ത സംരംഭകർക്കായി നടത്താനിരുന്ന ബിസിനസ്സ് എസ്റ്റാബ്ലിഷ്മെന്റ് പ്രോഗ്രാം ഡിസംബർ 12 ലേക്ക്  മാറ്റിയതായി ഡെപ്യൂട്ടി മാനേജർ (ഫിനാൻസ്) അറിയിച്ചു. കീഡ് കളമശ്ശേരി ക്യാമ്പസിൽ  ഡിസംബർ 12 മുതൽ 19 വരെ നടക്കുന്ന പരിശീലനത്തിൽ പങ്കെടുക്കാൻ താല്പര്യമുള്ളവർ www.kied.info സന്ദർശിച്ച് ഡിസംബർ10 ന് മുൻപായി അപേക്ഷ സമർപ്പിക്കണം.  ഏഴ്  ദിവസത്തെ പരിശീലനത്തിനായ്  സെർട്ടിഫിക്കേഷൻ , ഭക്ഷണം, താമസം GST ഉൾപ്പടെ 4,130/- രൂപയാണ്. കൂടുതൽ വിവരങ്ങൾക്ക് : 0484 2532890/2550322/7012376994.

അഡ്മിഷൻ ആരംഭിച്ചു

കോഴിക്കോട്  കെൽട്രോണിന്റെ  നോളജ് സെന്ററിൽ പ്രൊഫഷണൽ ഡിപ്ലോമ ഇൻ മൊബൈൽ ഫോൺ ടെക്നോളജി കോഴ്സിലേക്ക് അഡ്മിഷൻ ആരംഭിച്ചു. അപേക്ഷ ഫോറത്തിനും കൂടുതൽ വിവരങ്ങൾക്കുമായി കെൽട്രോൺ നോളജ് സെന്റർ, റെയിൽവേ സ്റ്റേഷൻ ലിങ്ക് റോഡ്  മൂന്നാം നില അംബേദ്കർ ബിൽഡിങ് ഓഫീസിൽ ബന്ധപെടുക. കൂടുതൽ വിവരങ്ങൾക്ക് : 0495 2301772, 9847925335.

ഇന്റർവ്യു നടത്തുന്നു.

മലബാർ ബൊട്ടാണിക്കൽ ഗാർഡൻ ആൻഡ് ഇൻസ്റ്റിറ്റ്യൂട്ട് ഫോർ പ്ലാന്റ് സയൻസിൽ കരാർ /ദിവസവേതന വ്യവസ്ഥയിൽ പ്രൊജക്റ്റ് അസിസ്റ്റന്റ് തസ്തികയിലേക്ക്  ഡിസംബർ 10 ന് രാവിലെ 10.00 മണിക്ക് വാക്ക് ഇൻ ഇന്റർവ്യു നടത്തുന്നു. പ്രായപരിധി 35 വയസ്സ്. താല്പര്യമുള്ളവർ വയസ്സ് ,വിദ്യാഭ്യാസ യോഗ്യത എന്നിവ തെളിയിക്കുന്നതിനുള്ള അസ്സൽ പ്രമാണങ്ങളും അവയുടെ സാക്ഷ്യപ്പെടുത്തിയ പകർപ്പുകളും സഹിതം അന്നേ ദിവസം രാവിലെ 9.00 മണിക്ക് ഗാർഡൻ ഓഫിസിൽ ഹാജരാകേണ്ടതാണ്. കൂടുതൽ വിവരങ്ങൾക്ക് www.mbgips.in , 0495243093

പരിശീലനത്തിന് അപേക്ഷ ക്ഷണിച്ചു  

പുതിയ സംരംഭം തുടങ്ങാൻ താത്പര്യപ്പെടുന്ന സംരംഭകർക്കായി കേരള ഇൻസ്റ്റിറ്റ്യൂട്ട് ഫോർ എന്റർപ്രണർഷിപ്പ് ഡെവലപ്പ്മെന്റ് (കെ ഐ ഇ ഡി), 20 ദിവസത്തെ എന്റർപ്രണർഷിപ്പ്  ഡെവലപ്പ്മെന്റ് പരിശീലനം ഓൺലൈനായി സംഘടിപ്പിക്കുന്നു. 2022 ഡിസംബർ 15 മുതൽ 2023 ജനുവരി 06 വരെ സൂം പ്ലാറ്റ്ഫോമിലാണ് പരിശീലനം. പരിശീലനത്തിൽ പങ്കെടുക്കാൻ താൽപ്പര്യമുള്ളവർ 1180  രൂപ  (ജി എസ് ടി  ഉൾപ്പടെ) കോഴ്സ് ഫീ അടച്ച്  വെബ്സൈറ്റായ www.kied.info മുഖേന ഡിസംബർ 13 ന് മുൻപ് അപേക്ഷ സമർപ്പിക്കണം. കൂടുതൽ വിവരങ്ങൾക്ക്:  0484 2550322, 2532890, 7012376994