സംസ്ഥാനത്ത് 27 വരെ ശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ വകുപ്പിന്റെ മുന്നറിയിപ്പ്. വടക്കുകിഴക്കന് ബംഗാള് ഉള്ക്കടലില് ചക്രവാതച്ചുഴി നിലനില്ക്കുന്നതിന്റെ ഫലമായാണിത്.
ബുധനാഴ്ച ഇടുക്കി, തൃശ്ശൂര്, മലപ്പുറം, കാസര്കോട് ജില്ലകള്ക്ക് ഓറഞ്ച് ജാഗ്രതയാണ് നല്കിയിരിക്കുന്നത്.
പത്തനംതിട്ട, ആലപ്പുഴ, കോട്ടയം, എറണാകുളം, പാലക്കാട്, കോഴിക്കോട്, വയനാട്, കണ്ണൂര് ജില്ലകള്ക്ക് മഞ്ഞ ജാഗ്രതയുണ്ട്. 25-ന് കോട്ടയം, ഇടുക്കി, മലപ്പുറം, കോഴിക്കോട്, വയനാട് ജില്ലകള്ക്ക് മഞ്ഞ മുന്നറിയിപ്പുണ്ട്.
എറണാകുളം, ഇടുക്കി ജില്ലകള്ക്കും 26, 27 തീയതികളിലും മഞ്ഞ മുന്നറിയിപ്പ് നല്കിയിട്ടുണ്ട്. കഴിഞ്ഞദിവസങ്ങളില് ശക്തമായ മഴ ലഭിച്ച മലയോര മേഖലകളില് ഓറഞ്ച് ജാഗ്രതയ്ക്ക് സമാനമായ കരുതല് പാലിക്കണം.
കേരള, തമിഴ്നാട് തീരങ്ങള്, ബംഗാള് ഉള്ക്കടല് എന്നിവിടങ്ങളില് ശക്തമായ കാറ്റിന് സാധ്യതയുളളതിനാല് ഈ ദിവസങ്ങളില് മത്സ്യത്തൊഴിലാളികള് കടലില് പോകരുതെന്നും നിര്ദേശിച്ചിട്ടുണ്ട്.
Post a Comment