പലപ്രാവശ്യവും അറ്റകുറ്റപ്പണികള് നടത്തിയിരുന്നെങ്കിലും വലിയ വാഹനങ്ങള് ഇടിച്ച് ഇവ തകരുന്നത് നിത്യസംഭവമായി. കവാടത്തിന്റെ രൂപകല്പന തയാറായാല് സാങ്കേതികാനുമതി വാങ്ങി നിര്മാണപ്രവൃത്തി നടത്തുമെന്ന് പ്രഖ്യാപിച്ചിരുന്നെങ്കിലും ഇതുവരെ നടപടിയായിട്ടില്ല. പുതിയ ഡിസൈന് പ്രകാരം പാലത്തിന് സ്വര്ണനിറം പൂശി അലങ്കാരവിളക്കുകള് സ്ഥാപിക്കാനും ഇരുകരയിലും കമാനങ്ങള്ക്കു സമീപം പൂട്ടുകട്ട പാകി നടപ്പാത സൗകര്യം ഒരുക്കാനും പദ്ധതിയിലുണ്ട്. പ്രവൃത്തി പൂര്ത്തിയാകുന്നതോടെ കരയില്നിന്നും ജലയാത്രയിലും ഇരുമ്പുപാലം വിസ്മയ കാഴ്ചയാകും.
വലിയ വാഹനങ്ങള് പാലത്തില് പ്രവേശിക്കുന്നതു നിയന്ത്രിക്കാന് ഒരുക്കുന്ന സുരക്ഷ കമാനം കരുത്തുറ്റതും ആകര്ഷകവുമാക്കാനും പദ്ധതിയുണ്ട്. വീതികുറഞ്ഞ പാലത്തില് ഇരുവശത്തുനിന്നും വാഹനങ്ങള് ഒരേസമയം പ്രവേശിച്ച് ഗതാഗത സ്തംഭനവും തകര്ക്കങ്ങളും പതിവാണ്. ഇത് പരിഹരിക്കാന് സ്ഥാപിച്ച വണ്വേ സിഗ്നല് ലൈറ്റുകള് ഇന്നും നോക്കുകുത്തിയാണ്. വര്ഷങ്ങള്ക്കു മുൻപ് സ്ഥാപിച്ച ഈ ലൈറ്റുകള് രണ്ടു മാസത്തോളമാണ് പ്രവര്ത്തിച്ചത്. അക്കാലത്ത് രണ്ടുലക്ഷം രൂപ മുടക്കിയാണ് ഇവ സ്ഥാപിച്ചത്.
Post a Comment