കോഴിക്കോട് വരയ്ക്കൽ ബീച്ചിലെ ഉപ്പിലിട്ടത് വിൽക്കുന്ന കടയിൽ നിന്ന് രാസവസ്തു കുടിച്ച് കുട്ടികൾക്ക് പൊള്ളലേറ്റു. കാസര്കോട് തൃക്കരിപ്പൂര് ആയട്ടി സ്വദേശികളായ മുഹമ്മദ് (14), സാബിദ് (14) എന്നിവര്ക്കാണു പൊള്ളലേറ്റത്.
കാസര്കോട് നിന്ന് മദ്രസ പഠനയാത്രയുടെ ഭാഗമായായി കോഴിക്കോട്ടെത്തിയ കുട്ടികള് വരക്കല് ബീച്ചില് ഉപ്പിലിട്ടതു വില്ക്കുന്ന പെട്ടിക്കടയില് ഉപ്പിലിട്ടതു കഴിച്ച്, എരിവു തോന്നിയപ്പോള് അടുത്തുകണ്ട കുപ്പിയില് വെള്ളമാണെന്നു കരുതി രാസവസ്തു എടുത്ത് കുടിക്കുകയായിരുന്നു. കുടിച്ച കുട്ടിയുടെ വായ പൊള്ളി. ഈ കുട്ടിയുടെ ഛര്ദ്ദില് ദേഹത്തുപറ്റിയ മറ്റൊരുകുട്ടിക്കമാണ് പൊള്ളലേറ്റത്.കുട്ടികളെ കോഴിക്കോട് മെഡിക്കല് കോളജില് ചികിത്സക്കു വിധേയമാക്കിയ ശേഷം നാട്ടിലേക്കു കൊണ്ടുപോയി. നിലവില് കാസര്കോട് ചികിത്സയിലാണുള്ളത്.
ഉപ്പിലിട്ടത് വേഗം പാകമാകാന് ആഡിഡ് അടക്കമുള്ള രാസവസ്തുക്കള് ഉപയോഗിക്കുന്നത് നഗരത്തില് വ്യാപകമാണെന്നു പരാതിയുണ്ട്. അധികൃതര് ഒരു രീതിയിലുള്ള പരിശോധനയും നടത്തുന്നില്ലെന്നതും ഇത്തരക്കാര്ക്ക് സഹായകരമാണെന്നു ആക്ഷേപമുയരുന്നുണ്ട്.
Post a Comment