പഞ്ചായത്തിലെ ഭിന്നശേഷിക്കാരായ കുട്ടികളുടെ കലാ സർഗവാസനകള് പ്രകടിപ്പിക്കാന് ഓണ്ലൈന്കലോത്സവം ഒരുക്കി താമരശ്ശേരി ഗ്രാമപഞ്ചായത്ത്.
ഗ്രാമപഞ്ചായത്തിലെ ഭിന്നശേഷി കുട്ടികളുടെ കലോത്സവം ഒപ്പം ഒപ്പത്തിനൊപ്പം -2022 എന്നപേരില് ഓണ്ലൈനായി സംഘടിപ്പിച്ച പരിപാടിയിൽ പഞ്ചായത്തിലെ നൂറോളം ഭിന്നശേഷി വിദ്യാര്ഥികള് പങ്കെടുത്തു. ചിത്രരചന, കളറിങ്, പ്രസംഗം, ഗാനാലാപനം, കവിത, സംഘനൃത്തം, ഒപ്പന, മോണോആക്ട് , പ്രച്ഛന്നവേഷം തുടങ്ങിയ ഇനങ്ങളിലാണ് മത്സരം നടന്നത്.
ഗ്രാമ പഞ്ചായത്ത് കോണ്ഫറന്സ് ഹാളില് കമ്പ്യൂട്ടര് നെറ്റ് വര്ക്ക്, പ്രൊജക്ടര്, ബിഗ് സ്ക്രീന് എന്നിവ പ്രത്യേകം സജ്ജീകരിച്ചാണ് ഓണ്ലൈന് കലോത്സവം നടത്തിയത്. ഗ്രാമപഞ്ചായത്ത് പ്രസിഡന്റ് ജെ.ടി. അബ്ദു റഹ്മാന് ഓണ്ലൈനായി പരിപാടി ഉദ്ഘാടനം ചെയ്തു. വൈസ് പ്രസിഡന്റ് ഖദീജ സത്താര് അധ്യക്ഷയായ പരിപാടിയിൽ, നിഷ, ശശികുമാര് , പി. പ്രഗിത, പി. സിക്കന്ദര്, ഉസ്മാന് പി. ചെമ്പ, സി. ആയിഷ ,ഷംല , വി.പി. ഉസ്മാന്, അനില്, സജിഷ തുടങ്ങിയവര് നേതൃത്വം നല്കി. സ്റ്റാന്ഡിങ് കമ്മിറ്റി ചെയര്പേഴ്സന് കെ. മഞ്ചിത സ്വാഗതം പറഞ്ഞു.
Post a Comment