കെട്ടിടത്തിന്റെ ഒരു ഭാഗം പൂര്ണമായും ഇളകി മേല്ക്കൂര തകര്ന്ന് വീണ നിലയിലാണ്. നഗരസഭാ അധികൃതരും ഫയര്ഫോഴ്സും ഉള്പ്പെടെ സ്ഥലത്തെത്തിയിട്ടുണ്ട്. സ്കൂള് വളപ്പിനുള്ളിലാണെങ്കിലും സ്കൂളുമായി ബന്ധമില്ലാത്ത കെട്ടിടമാണെന്ന് നഗരസഭാ കൗണ്സിലര് പറഞ്ഞു. എസ്എസ്എയുടെ ജില്ലാ പ്രൊജക്ട് ഓഫീസായ കെട്ടിടം ഏതാനും കാലമായി ദുര്ബലാവസ്ഥയിലായിരുന്നെന്നും കൗണ്സിലര് പറഞ്ഞു. സ്കൂളിന് ഫിറ്റ്നെസ് നല്കുമ്പോള് പരിശോധിച്ച് ഫിറ്റ്നസ് നല്കേണ്ട കെട്ടിടമല്ല ഇതെന്നും അധികൃതര് പറയുന്നു.
വേനലവധിക്ക് ശേഷം സംസ്ഥാന വ്യാപകമായി പ്രവേശനോത്സവമായിരുന്നു ഇന്ന്. എല്ലാ സ്കൂളുകളുടെയും ഫിറ്റ്നെസ് പരിശോധിച്ച് ഉറപ്പാക്കണമെന്ന് വിദ്യാഭ്യാസ വകുപ്പ് നിര്ദേശം നല്കിയിരുന്നു. അതിനിടെയാണ് സ്കൂള് വളപ്പിലെ കെട്ടിടത്തിന്റെ മേല്ക്കൂര തകര്ന്നത്. തകര്ന്ന കെട്ടിടം സ്കൂള് കെട്ടിടമല്ലെന്ന് വിദ്യാഭ്യാസ മന്ത്രി എന്. ഷംസുദ്ദീന് പ്രതികരിച്ചു. വര്ഷങ്ങള്ക്ക് മുമ്പ് സ്കൂള് കെട്ടിടമായി പ്രവര്ത്തിച്ചിരുന്നു.
വളരെ കാലപ്പഴക്കമുള്ള കെട്ടിടമാണിത്. നിലവില് എസ്എസ്കെയുടെ ഓഫീസായാണ് പ്രവര്ത്തിക്കുന്നത്. ഫിറ്റ്നസുമായി ബന്ധപ്പെട്ട് എവിടെയാണ് വീഴ്ച പറ്റിയതെന്ന് പരിശോധിച്ച് ഉത്തരവാദികളായവര്ക്കെതിരെ നടപടിയുണ്ടാകും. വിശദമായ റിപ്പോര്ട്ട് ഡിഡിഇയില് നിന്ന് തേടിയിട്ടുണ്ടെന്നും മന്ത്രി പറഞ്ഞു.
Post a Comment