മുംബൈ: ധര്മ്മേന്ദ്രയുടെ മരണ വാർത്ത തള്ളി മകള് ഇഷ ഡിയോൾ. മാധ്യമങ്ങള് കിംവതന്തികള് പ്രചരിപ്പിക്കുന്നുവെന്നും പിതാവിന്റെ ആരോഗ്യം മെച്ചപെട്ടുവരുന്നുവെന്നും ഇവർ അറിയിച്ചു. ഇൻസ്റ്റാഗ്രാം പോസ്റ്റിലൂടെ ആയിരുന്നു പ്രതികരണം. തെറ്റായ വാര്ത്തകൾ പ്രചരിപ്പിക്കരുതെന്നും ഡോക്ടര്മാരുടെ മേല്നോട്ടത്തിലാണ് ധര്മേന്ദ്രയെന്നും ഉടന് സുഖം പ്രാപിക്കുമെന്നും സണ്ണി ഡിയോളും വ്യക്തമാക്കി.
ഇഷയുടെ പോസ്റ്റോടെ പ്രതിരോധ മന്ത്രി രാജ് നാഥ് സിംഗ് അനുശോചനം ട്വീറ്റ് പിന്വലിച്ചു. ധർമേന്ദ്ര മരിച്ചതായി ദേശീയ മാധ്യമങ്ങൾ റിപ്പോർട്ട് ചെയ്തിരുന്നു. ധര്മ്മേന്ദ്രയുടെ മരണ വാർത്തയ്ക്ക് എതിരെ ഹേമ മാലിനിയും രംഗത്ത് എത്തിയിട്ടുണ്ട്. 'പൊറുക്കാവാത്ത തെറ്റെ'ന്നാണ് ഹേമ മാലിനി പറഞ്ഞത്.
ഇന്നലെ ശ്വാസതടസം അനുഭവപ്പെട്ടതിനെ തുടർന്ന് ധർമ്മേന്ദ്രയെ വെന്റിലേറ്ററിൽ പ്രവേശിപ്പിച്ചിരുന്നു. ആരോഗ്യം മോശമായതിനെ തുടർന്ന് നവംബർ ഒന്നിനാണ് അദ്ദേഹത്തെ ആശുപത്രിയില് പ്രവേശിപ്പിച്ചത്.
Post a Comment