കെട്ടിടങ്ങളുടെ വിസ്തൃതി പരിഗണിക്കാതെ വനഭൂമിയില് പട്ടയം അനുവദിക്കാൻ മന്ത്രിസഭായോഗം തീരുമാനിച്ചു.
1977ന് മുമ്പ് വനഭൂമി കൈവശം വെച്ചു വരുന്നവര്ക്ക് കേന്ദ്രസര്ക്കാരിന്റെ അനുമതിയോടെ ഭൂമി പതിച്ചു നല്കാന് 1993ലെ ഭൂപതിവ് ചട്ടം വ്യവസ്ഥ ചെയ്യുന്നുണ്ട്. ഇത്തരത്തില് ഭൂമി കൈവശം വെച്ച് വരുന്നവര് പലവിധ നിര്മ്മാണ പ്രവര്ത്തനങ്ങളും നടത്തിയിട്ടുണ്ട്. ചട്ടപ്രകാരം ഷോപ്പ് സൈറ്റിന് പട്ടയം അനുവദിക്കാന് വ്യവസ്ഥയുണ്ട്.
ഈ സാഹചര്യത്തിലാണ് കൈവശ ഭൂമിയില് നിര്മ്മാണ പ്രവൃത്തികള് നടത്തിയിട്ടുണ്ടെങ്കില് അതിന്റെ വിസ്തൃതി പരിഗണിക്കാതെ തന്നെ പട്ടയം നല്കാന് മന്ത്രിസഭായോഗം അനുമതി നല്കിയത്.
Post a Comment