YONO അപ്ലിക്കേഷൻ പ്രവർത്തന രഹിതമാകുമെന്നും ഉടൻ അപ്ഡേറ്റ് ചെയ്യണമെന്നും സ്വകാര്യ നമ്പറിൽ നിന്നും വാട്‌സാപ്പ് സന്ദേശം തട്ടിപ്പാണ് സൂക്ഷിക്കുക.

നിങ്ങളുടെ YONO അപ്ലിക്കേഷൻ ഉടൻതന്നെ പ്രവർത്തനരഹിതമാകുമെന്നും അപ്ലിക്കേഷൻ അപ്ഡേറ്റ് ചെയ്യണമെന്നും ആവശ്യപ്പെട്ട് കൊണ്ടുള്ള സ്വകാര്യ നമ്പറിൽ നിന്ന് സന്ദേശം  ലഭിക്കുന്നുണ്ടെങ്കിൽ ശ്രദ്ദിക്കുക ഇതൊരു തട്ടിപ്പിന്റ തുടക്കമാണ് , ഇത്തരത്തിൽ KYC update, YONO Updation, Reward redeem എന്നീ തരത്തിലുള്ള ലിങ്കുകളും തട്ടിപ്പുക്കാർ അയക്കാറുണ്ട്. കൂടാതെ ഇതുമായി ബന്ധപ്പെട്ട് സമൂഹമാധ്യമങ്ങളിൽ നിന്നും ലഭിക്കുന്ന വ്യാജ ലിങ്കുകളും തട്ടിപ്പിന് വേണ്ടി ഉപയോഗിക്കുന്നു. 

തുടർന്ന് ഫോൺ മുഖാന്തിരം ബന്ധപ്പെടുകയും Whatsapp ലൂടെ നിർദ്ദേശങ്ങൾ നൽകി YONO_SBI.APK എന്ന അപ്ലിക്കേഷൻ ഇൻസ്റ്റാൾ ചെയ്യാനും ആവശ്യപ്പെടുന്നു. ഇത് ഇൻസ്റ്റാൾ ചെയ്യുന്നതോടുകൂടി ശരിയയായ SBI YONO ആപ്ലിക്കേഷന് സമാനമായ വെബ്പേജ് പ്രത്യക്ഷപ്പെടുകയും User name , Password എന്നിവ നൽകാനുള്ള കോളങ്ങൾ ദൃശ്യമാവുകയും ചെയ്യുന്നു. SBI യുടെ YONO അപ്ലിക്കേഷൻ ആണെന്ന ധാരണയിൽ  തൻ്റെ ഇൻ്റർനെറ്റ് ബാങ്കിംഗ് വിവരങ്ങൾ ഇതിൽ നല്‌കുന്നതോടുക്കൂടി തട്ടിപ്പിന് തുടക്കമാകുന്നു. 

ഇതേ സമയംതന്നെ  നല്‌കുന്ന ബാങ്ക് ലോഗിൻ വിവരങ്ങൾ തട്ടിപ്പുക്കാർക്ക് ലഭിക്കുകയും അത് ഉപയോഗിച്ച് തട്ടിപ്പുകർ ബാങ്കിൻ്റെ യഥാർഥ വെബ്സൈറ്റിൽ ലോഗിൻ ചെയ്യുകയും ചെയ്യുന്നു. തുടർന്നു ഒ.റ്റി.പി നമ്പർ ലഭിക്കുന്നതിനായി കൃത്രിമമായി നിർമ്മിച്ച സൈറ്റിൽ ഒ.റ്റി.പി നൽകാനായി പുതിയ പേജ് പ്രത്യക്ഷപ്പെടുന്നു. OTP നല്കുന്നതോടെ തട്ടിപ്പുക്കാർക്ക് ഇൻ്റർനെറ്റ്‌ ബാങ്കിംഗ് നടത്തുന്നതിനുള്ള പൂർണ്ണ അനുമതി ലഭിക്കുകയും  അക്കൌണ്ടിലെ തുക പൂർണ്ണമായും പിൻവലിക്കപ്പെടുകയും ചെയ്യുന്നു.

ഓൺലൈൻ സാമ്പത്തിക കുറ്റകൃത്യങ്ങൾ ശ്രദ്ധയിൽപ്പെടുകയോ ഇരയാവുകയോ ചെയ്‌താൽ ഉടൻ തന്നെ 1930 എന്ന സൗജന്യനമ്പറിൽ ബന്ധപ്പെട്ടോ, https://cybercrime.gov.in എന്ന വെബ്‌സൈറ്റ് മുഖേനയോ പരാതികൾ രജിസ്റ്റർ ചെയ്യാവുന്നതാണ്.