സ്കൂട്ടറിൽ കടത്തുകയായിരുന്ന ചാരായം പിടികൂടി : ചമൽ സ്വദേശികൾ അറസ്റ്റിൽ: എക്സൈസ് ഉദ്യോഗസ്ഥയെ കൈയേറ്റം ചെയ്തതായി പരാതി.

താമരശ്ശേരി: സ്കൂട്ടറിൽ കടത്തുകയായിരുന്ന 10 ലിറ്റർ 

ചാരായം  പിടികൂടിയ സംഭവത്തിൽ ചമൽ സ്വദേശി കൾ അറസ്റ്റിൽ. പൂവൻ മല വീട്ടിൽ  രാജൻ  (47), ചമൽ കാരപ്പറ്റ വീട്ടിൽ അശോകൻ  (56) എന്നിവരെയാണ്  അബ്കാരി ആക്ട് പ്രകാരം  കേസെടുത്ത് അറസ്റ്റു ചെയ്തത്. രഹസ്യ വിവരത്തിന്റെ അടിസ്ഥാനത്തിൽ ഇന്നലെ രാത്രി 9.15 ന്  എക്സൈസ് ഇൻസ്പെക്ടർ തമ്പി എ ജിയും പാർട്ടിയും ചേർന്ന് താമരശ്ശേരിക്ക് സമീപം  പെരുമ്പള്ളി ചമലിൽ വെച്ചാണ് പ്രതികളെ പിടികൂടിയത്.

ചാരായം പിടികൂടാനെത്തിയ വനിത എക്സൈസ് ഉദ്യോഗസ്ഥയെ തടഞ്ഞുവെച്ച് കയറ്റം ചെയ്ത് അസഭ്യം പറഞ്ഞയാൾക്കെതിരെ കേസെടുത്തു. എക്സൈസ് സംഘത്തിൽപ്പെട്ട വനിത സിവിൽ എക്സൈസ് ഓഫിസർ ഷിംലയെ കയ്യേറ്റം ചെയ്ത രാജേഷ് എന്നയാൾക്കെതിരെയാണ് പോലീസ് കേസെടുത്തത്.

ചാരായം കടത്തിയ പ്രതികളായ അശോകൻ, രാജൻ എന്നിവരെ എക്സൈസ് വാഹനത്തിൽ കയറ്റുന്നതുമായി ബന്ധപ്പെട്ട് ഇതിനു മുമ്പേ തന്നെ സ്ഥലത്ത് പ്രശ്നങ്ങൾ ഉണ്ടാക്കിയ പ്രതി ഷിംല യെ കയ്യേറ്റം ചെയ്ത‌ത്. താമരശ്ശേരി താലൂക്ക് ആശുപത്രിയിൽ ചികിത്സ തേടിയ ഷിംല താമരശ്ശേരി പോലീസിൽ പരാതി നൽകിയതിനെ തുടർന്ന് പോലീസ് കേസ് റജിസ്റ്റർ ചെയ്തത്‌ അന്വേഷണം ആരംഭിച്ചു