വനിതാ ഏഷ്യൻ ഹോക്കി ചാമ്പ്യൻഷിപ്പിൽ, ഇന്ത്യ ഇന്ന്, ദക്ഷിണ കൊറിയയെ നേരിടും.

വനിതാ ഏഷ്യൻ ഹോക്കി ചാമ്പ്യൻഷിപ്പിൽ, ഇന്ത്യ ഇന്ന്, മൂന്ന് തവണ ജേതാക്കളായ ദക്ഷിണ കൊറിയയെ നേരിടും. ബിഹാറിലെ രാജ്ഗിർ ഹോക്കി സ്റ്റേഡിയത്തിലാണ് മത്സരം. ഇന്നലെ നടന്ന ആദ്യ മത്സരത്തിൽ ഇന്ത്യ മലേഷ്യയെ 4-0 ന് പരാജയപ്പെടുത്തി. ഇന്നലെ നടന്ന ഉദ്ഘാടന മത്സരത്തിൽ ജപ്പാനും ദക്ഷിണ കൊറിയയും 2-2ന് സമനിലയിൽ പിരിഞ്ഞിരുന്നു. മറ്റൊരു മത്സരത്തിൽ ചൈന ഏകപക്ഷീയമായ 15 ഗോളുകൾക്ക് തായ്‌ലൻഡിനെ തകർത്തു.