നാളെ അന്താരാഷ്ട്ര യോഗാദിനം, ന്യൂയോർക്കിലെ ഐക്യരാഷ്ട്രസഭാ ആസ്ഥാനത്ത് നടക്കുന്ന യോഗ ദിനാചരണത്തിന് പ്രധാനമന്ത്രി നരേന്ദ്രമോദി നേതൃത്വം നല്‍കും.

ന്യൂയോർക്കിലെ ഐക്യരാഷ്ട്രസഭാ ആസ്ഥാനത്ത് നടക്കുന്ന അന്താരാഷ്ട്ര യോഗ ദിനാചരണത്തിന്  പ്രധാനമന്ത്രി നരേന്ദ്രമോദി  നാളെ നേതൃത്വം നല്‍കും.  9-ാമത് അന്താരാഷ്ട്ര യോഗ ദിനത്തോടനുബന്ധിച്ച് ലോകമെമ്പാടും   വിപുലമായ പരിപാടികളാണ് സംഘടിപ്പിച്ചിരിക്കുന്നത്. 

മധ്യപ്രദേശിലെ ജബൽപൂരിൽ നടക്കുന്ന ദേശീയതല യോഗ ദിനാചരണം ഉപരാഷ്ട്രപതി ജഗ്ദീപ് ധൻഖർ ഉദ്ഘാടനം ചെയ്യും.  രാജ്യത്തെ എല്ലാ സംസ്ഥാനങ്ങളിലും യോഗ ദിന പരിപാടികൾ വിപുലമായ രീതിയിൽ നടക്കും.