രാജ്യത്തെ ആദ്യ ചാര്‍ട്ടര്‍ ഗേറ്റ് വേ ഇന്ന് കൊച്ചി അന്താരാഷ്ട്ര വിമാനത്താവളത്തില്‍ യാഥാര്‍ത്ഥ്യമാകും. ഗേറ്റ് വേയുടെ ഭാഗമായുള്ള ജെറ്റ് ടെര്‍മിനല്‍ മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും.

രാജ്യത്തെ ആദ്യ ചാർട്ടർ ഗേറ്റ്‌വേ ഇന്ന് വൈകിട്ട് കൊച്ചി അന്താരാഷ്ട്ര വിമാനത്താവളത്തിൽ തുടക്കമാകും. ഇതിൻറെ ഭാഗമായി സിയാൽ നിർമ്മിച്ച സ്വകാര്യ/ചാർട്ടർ വിമാനങ്ങൾക്കായുള്ള ജെറ്റ് ടെർമിനൽ  മുഖ്യമന്ത്രി  പിണറായി വിജയൻ ഉദ്ഘാടനം ചെയ്യും. 30 കോടി രൂപ ചെലവിൽ, 40,000 ചതുരശ്രയടി വിസ്തീർണമുള്ള, രാജ്യത്തെ ഏറ്റവും വലിയ ബിസിനസ് ജെറ്റ് ടെർമിനലാണ് ഇത്.

  അന്താരാഷ്ട്ര, ആഭ്യന്തര ബിസിനസ് ജെറ്റ് സർവീസുകൾ, വിനോദസഞ്ചാരം, ബിസിനസ് സമ്മേളനങ്ങൾ എന്നിവയെ സമന്വയിപ്പിക്കാനുള്ള വേദിയായി ചാർട്ടർ ഗേറ്റ്‌വേ പ്രവർത്തിക്കും. ബിസിനസ് ജെറ്റ് ടെർമിനൽ പ്രവർത്തനമാരംഭിക്കുന്നതോടെ, രാജ്യത്ത് സ്വകാര്യ ജെറ്റ് ടെർമിനലുകൾ പ്രവർത്തിപ്പിക്കുന്ന നാല് വിമാനത്താവളങ്ങളിലൊന്നായി സിയാൽ മാറും.