ലോകമെമ്പാടുമുള്ള ഫുട്ബോള് ആരാധകരുടെ ഹൃദയത്തിലിടം നേടിയ ഇതിഹാസ താരം പെലെ (82) അന്തരിച്ചു. കുടലിലെ അര്ബുദ ബാധയെ തുടര്ന്ന് സാവോപോളോയിലെ ആല്ബര്ട്ട് ഐന്സ്റ്റീന് ആശുപത്രിയിലാണ് അന്ത്യം.
ആരോഗ്യനില മോശമായതിനെ തുടര്ന്ന് ഒരു മാസത്തിലേറെയായി ആശുപത്രിയിലായിരുന്നു. കാന്സറിന് ചികിത്സയില് കഴിയുന്ന പെലെയെ ഹൃദയസംബന്ധമായ പ്രശ്നങ്ങളും അലട്ടിയിരുന്നു.
ബ്രസീലിനായി മൂന്ന് തവണ ലോകകപ്പ് നേടി ചരിത്രം രചിച്ച താരമാണ് പെലെ. 1958, 1962, 1970 ലോകകപ്പുകളിലായിരുന്നു ഈ കിരീടങ്ങള്. ഈ നേട്ടം സ്വന്തമാക്കുന്ന ഏക ഫുട്ബോള് താരവും പെലെയാണ്.
Post a Comment