സംസ്ഥാനത്ത് ഭക്ഷ്യ സുരക്ഷാ വകുപ്പിന്റെ ലൈസന്സോ രജിസ്ട്രേഷനോ ഇല്ലാത്ത സ്ഥാപനങ്ങള്ക്കെതിരെ കര്ശന നടപടി സ്വീകരിക്കും. ഭക്ഷ്യ സുരക്ഷാ ഗുണനിലവാര നിയമം 2006 പ്രകാരം ലൈസന്സോ രജിസ്ട്രേഷനോ ഇല്ലാതെ ഒരു ഭക്ഷ്യ സ്ഥാപനവും പ്രവര്ത്തിക്കാന് പാടില്ല. ഇതനുസരിച്ച് സംസ്ഥാനത്തെ മുഴുവന് ഭക്ഷ്യ സ്ഥാപനങ്ങള്ക്കും ലൈസന്സോ രജിസ്ട്രേഷനോ ഉറപ്പ് വരുത്താനുള്ള നടപടികള് സ്വീകരിച്ചു വരുന്നു. ഇതിന്റെ ഭാഗമായി ഭക്ഷ്യ സുരക്ഷാ വകുപ്പ് പ്രത്യേക പരിശോധനകള് ആരംഭിച്ചു.
സെപ്റ്റംബര് മാസം 26 മുതല് നടന്ന പരിശോധനയില് 5764 സ്ഥാപനങ്ങള് പരിശോധിച്ചു. 406 സ്ഥാപനങ്ങള് ലൈസന്സില്ലാതെ പ്രവര്ത്തിച്ചതായി കണ്ടെത്തി. ഈ സ്ഥാപനങ്ങള് സ്വമേധയാ തന്നെ നിര്ത്തിവച്ചു. ഇതുള്പ്പെടെ 564 സ്ഥാപനങ്ങള്ക്കെതിരെ നിയമ നടപടികള് സ്വീകരിക്കുന്നതിന് നോട്ടീസ് നല്കി. ഭക്ഷ്യ വസ്തുക്കളുടെ 70 സാമ്പിളുകള് ശേഖരിച്ച് ലാബില് പരിശോധനയ്ക്ക് അയച്ചിട്ടുണ്ട്. ലൈസന്സോ രജിസ്ട്രേഷനോ ഇല്ലാത്ത എല്ലാ സ്ഥാപനങ്ങളും ഉടന് തന്നെ ലൈസന്സോ രജിസ്ട്രേഷനോ നേടണമെന്ന് അഭ്യര്ത്ഥിക്കുന്നു.
Post a Comment