മാനസിക പ്രശ്നങ്ങള്ക്കും വിഷമതകള്ക്കും ഇതുമായി ബന്ധപ്പെട്ട സംശയ നിവാരണത്തിനും ടെലി മനസ്' എന്ന ഓണ്ലൈന് സംവിധാനം ഉടന് തന്നെ നിലവില് വരുന്നതാണെന്ന് ആരോഗ്യവകുപ്പ് മന്ത്രി വീണാ ജോര്ജ്. നാളെ ലോക മാനസികാരോഗ്യദിനത്തിന് മുന്നോടിയായി നല്കിയ സന്ദേശത്തിലാണ് മന്ത്രി ഇക്കാര്യം വ്യക്തമാക്കിയത്.
എല്ലാവരുടേയും മാനസികാരോഗ്യം ഉറപ്പ് വരുത്താന് മാനസികാരോഗ്യ പരിപാടിയുമായി ബന്ധപ്പെട്ടാണ് ഇത് നടപ്പിലാക്കുന്നത്. ഇതിനായി 20 കൗണ്സിലര്മാരെയും സൈക്യാട്രിസ്റ്റ് ഉള്പ്പടെയുള്ള മാനസികാരോഗ്യ പ്രവര്ത്തകരെയും നിയോഗിക്കുന്നതാണ്. കൂടാതെ മാനസികാരോഗ്യ പരിപാടി വഴി എല്ലാ ജില്ലകളിലും നേരിട്ടുളള സേവനങ്ങള് നല്കുന്നതിനുള്ള സംവിധാനവും ഇതില് ഉള്പ്പെടുത്തിയിട്ടുണ്ടെന്നും മന്ത്രി വ്യക്തമാക്കി.
Post a Comment