കൊയിലാണ്ടി-എടവണ്ണ സംസ്ഥാനപാതയില് ഉണ്ണികുളം-താമരശ്ശേരി പഞ്ചായത്തുകളെ തമ്മില് ബന്ധിപ്പിക്കുന്ന പൂനൂർ പാലത്തിന്റെ നിർമാണ പ്രവർത്തികൾ ആരംഭിച്ചു .കിഫ്ബി പദ്ധതിയില് ഉള്പ്പെടുത്തി പൂനൂര് പുഴക്കു കുറുകെ പൂനൂര് ടൗണില് നിര്മിക്കുന്ന പാലം നാട്ടുകാരുടെ ഏറെ നാളത്തെ ആഗ്രഹമായിരുന്നു .നിലവിലുള്ള പാലത്തിനു ബലക്ഷയം കണ്ടെത്തിയിരുന്നു.ഇത് അപകടാവസ്ഥയിലായതിനെ തുടർന്നാണ് . പുതുക്കിപ്പണിയാൻതീരുമാനമായത് .
മുന് എം.എല്.എ പുരുഷന് കടലുണ്ടിയുടെ ഇടപെടലിനെ തുടര്ന്ന് പൂനൂര് ടൗണ് സൗന്ദര്യവത്കരണത്തിന് കിഫ്ബിയില്നിന്ന് 10 കോടി രൂപ 2017 ബജറ്റിലാണ് പ്രഖ്യാപിച്ചത്.പദ്ധതിയുടെ ടെന്ഡര് നടപടികളുമായി മുന്നോട്ടുപോകുന്നതിനിടെയാണ് വിദഗ്ധരുടെ നേതൃത്വത്തില് നടന്ന പരിശോധനയില് നിലവിലെ പാലത്തിന് ബലക്ഷയം കണ്ടെത്തുകയും പദ്ധതിയുടെ ആദ്യഘട്ടം എന്ന നിലയില് പുതിയ പാലം നിര്മാണത്തിന് എസ്റ്റിമേറ്റ് തയാറാക്കി അനുമതി തേടുകയും ചെയ്തിരുന്നു.
4.78 കോടി രൂപയാണ് പാലത്തിന് അനുവദിച്ചത്. ടെന്ഡര് എടുത്ത കണ്സ്ട്രക്ഷന് കമ്ബനി പിന്മാറിയതോടെ നിര്മാണം വഴിമുട്ടിനില്ക്കുകയായിരുന്നു. ഇതോടെ രാഷ്ട്രീയ പാര്ട്ടികള്ക്കിടയിലും പൊതുജനങ്ങള്ക്കിടയിലും ചര്ച്ചകള്ക്കും പ്രതിഷേധങ്ങള്ക്കും കാരണമായി.
നിയമസഭ തെരഞ്ഞെടുപ്പിനുമുമ്ബ് മറ്റൊരു കമ്ബനി നിര്മാണ ചുമതല ഏറ്റെടുക്കുകയും മുന് പൊതുമരാമത്ത് മന്ത്രി ജി. സുധാകരന് കഴിഞ്ഞ ഫെബ്രുവരിയില് പാലത്തിന്റെ പ്രവൃത്തി ഉദ്ഘാടനം നിര്വഹിക്കുകയും ചെയ്തിരുന്നു. പഴയ പാലം നിലനിര്ത്തിയാണ് സമീപത്ത് പുതിയ പാലം നിര്മിക്കുന്നത്.
ഒരുവശത്ത് നടപ്പാതയും ഇരു ഭാഗങ്ങളിലും അപ്രോച്ച് റോഡും ഉള്പ്പെടുത്തിയാണ് ഇപ്പോള് ഫണ്ട് അനുവദിച്ചത്.പാലം നിര്മാണം പൂര്ത്തിയാകുന്നതോടെ പൂനൂര് ടൗണിലെ ഗതാഗതക്കുരുക്കിനും പരിഹാരമാകും
Post a Comment