സംസ്ഥാനത്തെ ഇ സഞ്ജീവനി ഡോക്ടര് ടു ഡോക്ടര് സേവനങ്ങള് എല്ലാ ജില്ലകളിലേക്കും വ്യാപിപ്പിക്കുമെന്ന് ആരോഗ്യ മന്ത്രി വീണാ ജോര്ജ്. തുടക്കത്തില് കോഴിക്കോട് ജില്ലയിലാണ് ഡോക്ടര് ടു ഡോക്ടര് സേവനം ആരംഭിച്ചത്. കഴിഞ്ഞ ഒരു മാസത്തിനുള്ളില് ഈ ജില്ലയില് മാത്രമായി 200ല് അധികം രോഗികള്ക്ക് സേവനം നല്കാന് കഴിഞ്ഞു. ഈ പദ്ധതി വിജയകരമായതിനെ തുടര്ന്ന് പത്തനംതിട്ട, എറണാകുളം, മലപ്പുറം, ആലപ്പുഴ, കാസര്ഗോഡ്, കോട്ടയം തുടങ്ങിയ ആറ് ജില്ലകളില് കൂടി വ്യാപിപ്പിച്ചിരുന്നു.
പ്രാഥമിക ആരോഗ്യ കേന്ദ്രങ്ങളിലും കുടുംബാരോഗ്യ കേന്ദ്രങ്ങളിലും എന്സിഡി ക്ലിനിക്കുകളിലും എത്തുന്ന രോഗികള്ക്ക് വിദഗ്ധ ചികിത്സയ്ക്ക് ജില്ലാ ആശുപത്രികളിലും മെഡിക്കല് കോളജുകളിലും പോകാതെ ഈ കേന്ദ്രങ്ങളില് ഇരിന്നുകൊണ്ട് തന്നെ സ്പെഷ്യലിസ്റ്റ് ഡോക്ടര്മാരുടെ സേവനം ലഭ്യമാക്കാന് സാധിക്കും. അതുവഴി മെഡിക്കല് കോളജുകളിലെയും ജില്ലാ ആശുപത്രികളിലെയും തിരക്കുകള് കുറക്കാന് സാധിക്കുമെന്നും മന്ത്രി വ്യക്തമാക്കി.
Post a Comment