ഓൺലൈൻ ഷോപ്പിങ് വിപണിയിലെ ശക്തമായ മത്സരത്തിനിടെ ഉപഭോക്താക്കളെ നിലനിർത്താൻ ലക്ഷ്യമിട്ടാണ് ഈ നീക്കം. ആഗസ്റ്റ് ഒന്ന് മുതലാണ് ഈ ആനുകൂല്യം ലഭ്യമായിത്തുടങ്ങുക. ഇതിനായി പ്രത്യേകം സസ്ക്രിപ്ഷനോ റീച്ചാർജോ ചെയ്യേണ്ടതില്ല. വാൾമാർട്ടിന്റെ ഉടമസ്ഥതയിലുള്ള ഫ്ലിപ്കാർട്ട് പ്ലസ് അംഗങ്ങൾക്കാണ് ഈ ഓഫർ ലഭിക്കുക.
ഫ്ലിപ്കാർട്ട്, ഫ്ലിപ്കാർട്ട് ഗ്രോസറി, അല്ലെങ്കിൽ ക്വിക്ക് കൊമേഴ്സ് സേവനമായ ഫ്ലിപ്കാർട്ട് മിനിറ്റ്സ് എന്നിവയിൽ ഒരു മാസത്തിനുള്ളിൽ കുറഞ്ഞത് 299 രൂപ വീതമുള്ള നാല് ഓർഡറുകൾ പൂർത്തിയാക്കണം. എങ്കിൽ മാത്രമേ ഈ ഓഫർ ലഭിക്കുകയുള്ളൂ. നിലവിൽ ഇ-കൊമേഴ്സ് രംഗത്ത് ശക്തമായ മത്സരമാണ് ഫ്ലിപ്കാർട്ട് നേരിടുന്നത്. ഇതിനെ ചെറുക്കാൻ ഫ്ലിപ്കാർട്ട് മിനിറ്റ്സ് വഴി വോഗത്തിലുള്ള ഡെലിവെറി സേവനങ്ങളിലേക്കും കമ്പനി കടന്നിട്ടുണ്ട്.
Post a Comment