ആദ്യം സംശയാസ്പദമായ ഒരു മെസേജിലൂടെയോ ഫോൺ കോളിലൂടെയോ ഇരയെ സമീപിക്കുന്ന തട്ടിപ്പുകാർ, പിന്നീട് FaceTime വീഡിയോ കോളിലേക്ക് മാറാൻ ആവശ്യപ്പെടുന്നു. വീഡിയോ കോളിലൂടെ വിശ്വാസം നേടിയ ശേഷം ബാങ്ക് അക്കൗണ്ട് വിവരങ്ങൾ, OTP, Apple ID പാസ്വേഡ്, സെക്യൂരിറ്റി കോഡുകൾ എന്നിവ പങ്കുവെക്കാൻ നിർബന്ധിക്കുന്നതാണ് ഇവരുടെ രീതി. FaceTime സേവനത്തിൽ സുരക്ഷാ വീഴ്ചയില്ലെന്നും, മറിച്ച് അതിന്റെ വിശ്വാസ്യത ദുരുപയോഗം ചെയ്താണ് തട്ടിപ്പുകാർ ആളുകളെ കബളിപ്പിക്കുന്നതെന്നും ആപ്പിൾ വ്യക്തമാക്കി.
ചില കേസുകളിൽ, ബാങ്ക് അക്കൗണ്ടിൽ അസാധാരണ ഇടപാടുകൾ നടന്നുവെന്നോ, Apple അക്കൗണ്ട് ബ്ലോക്ക് ചെയ്യപ്പെടുമെന്നോ, സർക്കാർ അന്വേഷണവുമായി ബന്ധപ്പെട്ട കാര്യമാണെന്നോ പറഞ്ഞാണ് ആളുകളെ ഭയപ്പെടുത്തുന്നതെന്നും കമ്പനി മുന്നറിയിപ്പ് നൽകി.
എങ്ങനെ സുരക്ഷിതരാകാം?
Apple ID പാസ്വേഡോ OTPയോ വെരിഫിക്കേഷൻ കോഡുകളോ ആരുമായും പങ്കുവെക്കരുത്.
അപരിചിതർ അയക്കുന്ന ലിങ്കുകളിൽ ക്ലിക്ക് ചെയ്യുകയോ അറ്റാച്ച്മെന്റുകൾ തുറക്കുകയോ ചെയ്യരുത്.
സംശയാസ്പദമായ FaceTime കോളുകൾ വന്നാൽ ഉടൻ കോൾ അവസാനിപ്പിക്കുക.
Apple അക്കൗണ്ടിൽ Two-Factor Authentication സജീവമാക്കുക.
ബാങ്ക്, സർക്കാർ, ആപ്പിൾ എന്നിവയുടെ പേരിൽ വരുന്ന വീഡിയോ കോളുകൾ വിശ്വസിക്കുന്നതിന് മുമ്പ് ഔദ്യോഗിക നമ്പറിലൂടെ സ്ഥിരീകരിക്കുക.
സമീപകാലത്ത് ഐഫോണുകളെ ലക്ഷ്യമിട്ട് വിവിധ സൈബർ ആക്രമണങ്ങളും സ്പൈവെയർ ഭീഷണികളും റിപ്പോർട്ട് ചെയ്ത സാഹചര്യത്തിൽ, ഉപയോക്താക്കൾ കൂടുതൽ ജാഗ്രത പാലിക്കണമെന്നും സൈബർ സുരക്ഷാ വിദഗ്ധർ നിർദേശിക്കുന്നു.
Post a Comment