പാൻ മസാല ചവച്ചുതുപ്പി, പിഴയും അടച്ചില്ല, ബ്രിട്ടനിൽ രണ്ട് ഇന്ത്യക്കാർക്ക് കനത്ത പിഴ.

പൊതുസ്ഥലത്ത് പാൻ മസാല ചവച്ചുതുപ്പി. ലണ്ടനിൽ രണ്ട് ഇന്ത്യക്കാർക്ക് കനത്ത പിഴ. ലണ്ടനിലെ ബ്രന്റിലാണ് പാൻ മസാല പൊതുവിടങ്ങളിൽ തുപ്പുന്നതിനെതിരായ പ്രചാരണങ്ങൾക്കിടെയാണ് ഇന്ത്യക്കാർക്ക് മൂന്ന് ലക്ഷം രൂപയോളം പിഴയിട്ടത്. ബ്രന്റിലെ എഡ്ജ്‌വെയറിൽ താമസിക്കുന്ന അക്ഷിത് കുമാർ ഭദ്രേ പട്ടേൽ, റുയിസ്ലിപിലെ ഹിതേഷ് പട്ടേൽ എന്നിവർക്കാണ് 1391 പൗണ്ട് വീതം (ഏകദേശം 1.72 ലക്ഷം രൂപ) പിഴ ചുമത്തിയത്. 

നേരത്തെ  ചുമത്തിയ കുറഞ്ഞ പിഴ ഇവർ അടച്ചില്ലെന്ന് കണ്ടെത്തിയതോടെയാണ് പിഴത്തുക വർദ്ധിപ്പിച്ചത്. 2025 ജൂണിൽ പൊതുവിടത്തിൽ പാൻ മസാല ചവച്ച് തുപ്പിയതിന് 100 പൗണ്ട് (ഏകദേശം 12000 രൂപ) പിഴയാണ് ഇരുവർക്കും ഇട്ടിരുന്നത്. ബ്രന്റ് കൌൺസിൽ ഒരു വർഷം 37 ലക്ഷം രൂപയാണ് പൊതുവിടങ്ങളിൽ നിന്ന് പാൻ മസാല ചവച്ച് തുപ്പിയത് വൃത്തിയാക്കുന്നതിനായി ചെലവിടുന്നത്. 

പലയിടത്തും കറകൾ നീക്കുന്നതിന് കൂടിയ സാങ്കേതിക വിദ്യയും ആശ്രയിക്കേണ്ടി വരണ്ട അവസ്ഥയും ഇവിടെയുണ്ട്. പട്രോളിംഗിനിടെ ഇത്തരത്തിൽ ചെയ്യുന്നത് ശ്രദ്ധയിൽപ്പെട്ടാൽ 100 പൗണ്ട് പിഴയിടുന്നത് ഇവിടെ പതിവാണ്. മുൻപ് നൽകിയ പിഴ അടയ്ക്കാതെ വന്നതാണ് നിലവിൽ വൻതുക പിഴയൊടുക്കേണ്ട അവസ്ഥയിലേക്ക് ഇന്ത്യക്കാരെത്തിയത്.

 അക്ഷിത് കുമാർ പട്ടേൽ കിങ്‌സ്ബറി റോഡിലെ മെട്രോ സ്‌റ്റേഷന് സമീപത്താണ് പാൻമസാല ചവച്ചുതുപ്പിയത്. വെംബ്ലി ഹിൽ റോഡിൽ പാൻമസാല ചവച്ചുതുപ്പിയതിനാണ് ഹിതേഷ് പട്ടേലിനും നൂറുപൗണ്ട് പിഴ ചുമത്തിയിരുന്നത്. പൊതുസ്ഥലങ്ങളിൽ പാൻ ചവച്ചു തുപ്പുന്നതിനെതിരേ വിവിധയിടങ്ങളിൽ ബോധവത്കരണ ബാനറുകളും 100 പൗണ്ട് പിഴ ചുമത്തുമെന്ന് മുന്നറിയിപ്പ് നൽകുന്ന ബോർഡുകളും അധികൃതർ സ്ഥാപിച്ചിട്ടുണ്ട്.