മലയാള ചലച്ചിത്ര താരം ഗ്രേസ് ആന്റണി (Grace Antony) വിവാഹിതയായി. ശബ്ദവും വെളിച്ചവും ആൾക്കൂട്ടവും ഇല്ലാതെ നടന്ന വിവാഹം എന്ന് ക്യാപ്ഷൻ നൽകി ചിത്രവും പോസ്റ്റ് ചെയ്താണ് ഗ്രേസ് വിവാഹം കഴിഞ്ഞ കാര്യം അറിയിച്ചത്. ഭർത്താവിന്റെ മുഖം വെളിപ്പെടുത്തിയില്ല. വരന്റെ കൈപിടിച്ച് നിൽക്കുന്ന ചിത്രങ്ങളാണ് ഗ്രേസ് പങ്കിട്ടിട്ടുള്ളത്. വിവാഹം നടക്കാൻ പോകുന്നതായി ഗ്രേസ് യാതൊരു അറിയിപ്പും പ്രഖ്യാപിച്ചിട്ടുമില്ല.
നിരവധി താരങ്ങൾ ഗ്രേസ് ആന്റണിക്ക് ആശംസ അറിയിച്ചു. സംഗീത സംവിധായകനായ എബി ആണ് വരൻ എന്ന് സൂചനയുണ്ട്. മലയാള സിനിമയിൽ ഒരുപിടി ശ്രദ്ധേയ വേഷങ്ങൾ അവതരിപ്പിച്ചിട്ടുള്ള ഗ്രേസ് ആന്റണി, 'കുമ്പളങ്ങി നൈറ്റ്സ്' സിനിമയിൽ ഫഹദ് ഫാസിലിന്റെ നായികാവേഷത്തിലൂടെ ശ്രദ്ധിക്കപ്പെട്ടു. കുറച്ചു നാളുകൾക്ക് മുൻപ് ഒ.ടി.ടിയിൽ റിലീസ് ചെയ്ത 'നാഗേന്ദ്രൻസ് ഹണിമൂൺ' സീരീസിലെ ഗ്രേസിന്റെ വേഷം ശ്രദ്ധേയമായിരുന്നു.
Post a Comment