എം.​ആ​ര്‍. അ​ജി​ത്കു​മാ​റി​നെ​ പൊലീസിൽ നിന്ന് മാറ്റി; പുതിയ ചുമതല എക്സൈസ് കമീഷണർ.

നിരന്തരം വിവാദത്തതിൽ അകപ്പെട്ട എ.ഡി.ജി.പി എം.ആർ. അജിത് കുമാറിനെ പൊലീസിൽ നിന്ന് ​മാറ്റി എക്സൈസ് കമീഷണറാക്കി നിയമിച്ചു. ശ​ബ​രി​മ​ല സ​ന്നി​ധാ​ന​ത്തേ​ക്ക് ട്രാ​ക്ട​റി​ൽ യാ​ത്ര ചെ​യ്ത സം​ഭ​വ​ത്തി​ല്‍ അ​ജി​ത്കു​മാ​റി​നെ​തി​രെ സ​ർ​ക്കാ​റി​ന് ഉ​ചി​ത ന​ട​പ​ടി സ്വീ​ക​രി​ക്കാ​മെ​ന്ന് സം​സ്ഥാ​ന പൊ​ലീ​സ് മേ​ധാ​വി റ​വ​ഡ ച​ന്ദ്ര​ശേ​ഖ​ര​ൻ ആ​ഭ്യ​ന്ത​ര സെ​ക്ര​ട്ട​റി​ക്ക് കഴിഞ്ഞ ദിവസം റി​പ്പോ​ർ​ട്ട് ന​ൽ​കിയിരുന്നു. ഇതിന് പിന്നാലെയാണ് ബറ്റാലിയൻ ഡി.ജി.പി പദവിയിൽനിന്ന് സ്ഥലംമാറ്റിയത്.   അ​ജി​ത്കു​മാ​റി​ന്‍റെ വി​ശ​ദീ​ക​ര​ണം ത​ള്ളി​യാ​ണ് ഡി.ജി.പി ന​ട​പ​ടി​ക്ക് ശി​പാ​ർ​ശ ചെ​യ്ത​ത്. ന​ട​പ​ടി സ്വീ​ക​രി​ച്ച് ഹൈ​കോ​ട​തി​യെ അ​റി​യി​ക്കു​ന്ന​താ​കും ഉ​ചി​ത​മെ​ന്നും റി​പ്പോ​ർ​ട്ടി​ൽ പ​റ​ഞ്ഞിരുന്നു. 

എക്സൈസ് തലപ്പത്തേക്ക് മാറ്റിയതോ​ടെ അജിത് കുമാറിനെതിരെ നടപടിയെടുത്തെന്ന് വരുത്തിത്തീർക്കാനും സർക്കാറിന് കഴിയും.   ട്രാ​ക്ട​ര്‍ യാ​ത്ര​യി​ല്‍ അ​ജി​ത്കു​മാ​റി​ന് വീ​ഴ്ച​യു​ണ്ടാ​യെ​ന്ന് സ​മ്മ​തി​ച്ച് ആ​ഭ്യ​ന്ത​ര സെ​ക്ര​ട്ട​റി​ക്ക് ജൂ​ലൈ 19ന് ​ഡി.​ജി.​പി റി​പ്പോ​ർ​ട്ട് ന​ൽ​കി​യി​രു​ന്നു. ഉ​ന്ന​ത ഉ​ദ്യോ​ഗ​സ്ഥ​ന്‍റെ ഭാ​ഗ​ത്തു​നി​ന്നു​ണ്ടാ​യ ന​ട​പ​ടി സേ​ന​ക്ക് ആ​കെ അ​വ​മ​തി​പ്പു​ണ്ടാ​ക്കി​യെ​ന്നും അ​തി​നാ​ൽ താ​ക്കീ​ത് ന​ൽ​കി​യെ​ന്നു​മാ​യി​രു​ന്നു റി​പ്പോ​ർ​ട്ട്. എ​ന്നാ​ൽ, റി​പ്പോ​ർ​ട്ടി​ന്മേ​ൽ ആ​ഭ്യ​ന്ത​ര സെ​ക്ര​ട്ട​റി കൂ​ടു​ത​ൽ വ്യ​ക്ത​ത ആ​വ​ശ്യ​പ്പെ​ട്ട​തോ​ടെ​യാ​ണ് സ​ർ​ക്കാ​റി​ന് ഉ​ചി​ത ന​ട​പ​ടി സ്വീ​ക​രി​ക്കാ​മെ​ന്ന് സം​സ്ഥാ​ന പൊ​ലീ​സ് മേ​ധാ​വി അ​റി​യി​ച്ച​ത്. 

കോ​ട​തി ഉ​ത്ത​ര​വ് കാ​റ്റി​ൽ​പ​റ​ത്തി സ​ന്നി​ധാ​ന​ത്തേ​ക്കു​ള്ള നി​യ​മ​വി​രു​ദ്ധ ട്രാ​ക്ട​ര്‍ യാ​ത്ര​യി​ല്‍ ഹൈ​കോ​ട​തി രൂ​ക്ഷ​വി​മ​ര്‍ശ​നം ഉ​ന്ന​യി​ച്ചി​രു​ന്നു.  പൊ​ലീ​സ് ട്രാ​ക്ട​റി​ൽ മ​ങ്കി ക്യാ​പ് ധ​രി​ച്ച് സ​ഹാ​യി​ക​ളാ​യ പൊ​ലീ​സു​കാ​ർ​ക്കൊ​പ്പ​മാ​ണ് ന​വ​ഗ്ര​ഹ പ്ര​തി​ഷ്ഠാ പൂ​ജ​ക്കാ​യി ന​ട​തു​റ​ന്നി​രി​ക്കെ ക​ഴി​ഞ്ഞ 12ന് ​രാ​ത്രി അ​ജി​ത്കു​മാ​ർ ട്രാ​ക്ട​റി​ൽ സ​ന്നി​ധാ​ന​ത്ത് എ​ത്തി ദ​ർ​ശ​നം ന​ട​ത്തി​യ​ത്. അ​തേ ട്രാ​ക്ട​റി​ൽ 13ന് ​തി​രി​ച്ചി​റ​ങ്ങി. ച​ര​ക്കു​നീ​ക്ക​ത്തി​ന് മാ​ത്ര​മേ ട്രാ​ക്ട​ർ ഉ​പ​യോ​ഗി​ക്കാ​വൂ​വെ​ന്ന കോ​ട​തി ഉ​ത്ത​ര​വാ​ണ് അ​ജി​ത്കു​മാ​ർ ലം​ഘി​ച്ച​ത്. എ​ന്നാ​ൽ അ​ജി​ത്കു​മാ​റി​നെ സം​ര​ക്ഷി​ക്കാ​ൻ ഡ്രൈ​വ​റെ പ്ര​തി​യാ​ക്കി​യാ​ണ് പ​മ്പ പൊ​ലീ​സ് കേ​സെ​ടു​ത്ത​ത്.