രണ്ട്​ മാ​സ​ത്തെ മ​ധ്യ​വേ​ന​ല​വ​ധി​ക്ക്​ ശേ​ഷം സം​സ്ഥാ​ന​ത്തെ സ്കൂ​ളു​ക​ൾ ഇ​ന്ന്​ തു​റ​ക്കും.

ര​ണ്ട്​ മാ​സ​ത്തെ മ​ധ്യ​വേ​ന​ല​വ​ധി​ക്ക്​ ശേ​ഷം സം​സ്ഥാ​ന​ത്തെ സ്കൂ​ളു​ക​ൾ ഇ​ന്ന്​ തു​റ​ക്കും. ഏ​താ​നും ദി​വ​സം ക​ന​ത്തു​പെ​യ്ത മ​ഴ കാ​ര​ണം സ്കൂ​ൾ തു​റ​ക്കു​ന്ന​ത്​ നീ​ട്ടി​വെ​ക്കേ​ണ്ടി​വ​രു​മോ എ​ന്ന ആ​ശ​ങ്ക ഉ​യ​ർ​ന്നി​രു​ന്നു. മ​ഴ കു​റ​ഞ്ഞ​തോ​ടെ നി​ശ്​​ച​യി​ച്ച ദി​വ​സം​ത​ന്നെ സ്കൂ​ൾ തു​റ​ക്കു​ന്ന​തി​ലെ ആ​ശ​ങ്ക നീ​ങ്ങി. സ​ർ​ക്കാ​ർ, എ​യ്​​ഡ​ഡ്, അ​ൺ​എ​യ്​​ഡ​ഡ്​ മേ​ഖ​ല​യി​ലെ 12,948 സ്കൂ​ളു​ക​ളി​ലാ​യി പ്ല​സ് ക്ലാ​സു​ക​ളി​ലേ​തു​ൾ​പ്പെ​ടെ 40 ല​ക്ഷ​ത്തോ​ളം വി​ദ്യാ​ർ​ഥി​ക​ളാ​ണ്​ ഇ​ന്ന്​ വീ​ണ്ടും പ​ഠ​നാ​നു​ഭ​വ​ങ്ങ​ളി​ലേ​ക്ക്​ മ​ട​ങ്ങി​യെ​ത്തു​ന്ന​ത്​. ഇ​തി​ൽ മൂ​ന്ന്​ ല​ക്ഷ​ത്തോ​ളം കു​ട്ടി​ക​ൾ ഒ​ന്നാം ക്ലാ​സി​ൽ ന​വാ​ഗ​ത​രാ​യി​രി​ക്കും. 

ക​ഴി​ഞ്ഞ വ​ർ​ഷം 2,98,848 പേ​രാ​ണ്​ ഒ​ന്നാം ക്ലാ​സി​ൽ പ്ര​വേ​ശ​നം നേ​ടി​യ​ത്. ക​ഴി​ഞ്ഞ ര​ണ്ട്​ വ​ർ​ഷ​ങ്ങ​ളി​ലും സ​ർ​ക്കാ​ർ, എ​യ്​​ഡ​ഡ്​ സ്കൂ​ളു​ക​ളി​ൽ ഒ​ന്നാം​ക്ലാ​സി​ൽ കു​ട്ടി​ക​ൾ കു​റ​ഞ്ഞ​​പ്പോ​ൾ അ​ൺ എ​യ്​​ഡ​ഡി​ൽ കു​ട്ടി​ക​ൾ വ​ർ​ധി​ക്കു​ന്ന പ്ര​വ​ണ​ത​യു​മു​ണ്ടാ​യി.   ഹൈ​സ്കൂ​ൾ ക്ലാ​സു​ക​ളു​ടെ സ​മ​യ​മാ​റ്റ​മാ​ണ്​ ഈ ​വ​ർ​ഷ​ത്തെ പ്ര​ധാ​ന മാ​റ്റ​ങ്ങ​ളി​ലൊ​ന്ന്. കേ​ര​ള വി​ദ്യാ​ഭ്യാ​സ ച​ട്ട​പ്ര​കാ​രം നി​ർ​ദേ​ശി​ക്കു​ന്ന 1100 പ​ഠ​ന മ​ണി​ക്കൂ​ർ തി​ക​ക്കു​ന്ന​തി​ന്‍റെ ഭാ​ഗ​മാ​യി വെ​ള്ളി​യാ​ഴ്ച ഒ​ഴി​കെ​യു​ള്ള ദി​വ​സ​ങ്ങ​ളി​ൽ ഹൈ​സ്കൂ​ൾ ക്ലാ​സു​ക​ൾ​ക്ക്​ അ​ര​മ​ണി​ക്കൂ​ർ വ​ർ​ധി​പ്പി​ച്ച്​ ഉ​ത്ത​ര​വി​റ​ങ്ങി​യി​ട്ടു​ണ്ട്.

 രാ​വി​ലെ​യും ഉ​ച്ച​ക്കു​ശേ​ഷ​വു​മാ​യി 15 മി​നി​റ്റ്​ വീ​തം വ​ർ​ധി​പ്പി​ക്കാ​നാ​ണ്​ തീ​രു​മാ​നം. ഇ​തു​വ​ഴി സ്കൂ​ൾ തു​ട​ങ്ങു​ന്ന സ​മ​യം നി​ല​വി​ലു​ള്ള​തി​ലും 15 മി​നി​റ്റ്​ മു​മ്പേ​യാ​യി​രി​ക്കും. സ്​​കൂ​ൾ വി​ടു​ന്ന സ​മ​യം നി​ല​വി​ലു​ള്ള​തി​ലും 15 മി​നി​റ്റും വൈ​കും.   അ​ധി​ക​മാ​യി ചേ​ർ​ക്കു​ന്ന അ​ര​മ​ണി​ക്കൂ​ർ നി​ല​വി​ലു​ള്ള എ​ട്ട്​ പീ​രി​യ​ഡു​ക​ളി​ലേ​ക്ക്​ കൂ​ട്ടി​ച്ചേ​ർ​ക്കാ​നാ​ണ്​ നി​ർ​ദേ​ശം. ഇ​തി​നു​പു​റ​മെ ആ​റ്​ ശ​നി​യാ​ഴ്ച​ക​ൾ കൂ​ടി ഹൈ​സ്കൂ​ളു​ക​ൾ​ക്ക്​ പ്ര​വ​ർ​ത്തി​ദി​ന​മാ​കും. യു.​പി ക്ലാ​സു​ക​ൾ​ക്ക്​ ര​ണ്ട്​ ശ​നി​യാ​ഴ്ച അ​ധ്യ​യ​ന ദി​ന​മാ​യി​രി​ക്കും. എ​ൽ.​പി ക്ലാ​സു​ക​ൾ​ക്ക്​ ശ​നി​യാ​ഴ്ച ക്ലാ​സു​ണ്ടാ​കി​ല്ല.  

സം​സ്ഥാ​ന​ത​ലം മു​ത​ൽ സ്കൂ​ൾ​ത​ലം വ​രെ​യു​ള്ള പ്ര​വേ​ശ​നോ​ത്സ​വ​ത്തോ​ടെ​യാ​ണ്​ അ​ധ്യ​യ​ന വ​ർ​ഷ​ത്തി​ന്​ തു​ട​ക്ക​മാ​കു​ന്ന​ത്. സം​സ്ഥാ​ന പ്ര​വേ​ശ​നോ​ത്സ​വം ആ​ല​പ്പു​ഴ ക​ല​വൂ​ർ ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ളി​ൽ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ നി​ർ​വ​ഹി​ക്കും. മ​ന്ത്രി വി. ​ശി​വ​ൻ​കു​ട്ടി അ​ധ്യ​ക്ഷ​ത വ​ഹി​ക്കും. ശു​ചീ​ക​ര​ണം ഉ​ൾ​പ്പെ​ടെ​യു​ള്ള മു​ന്നൊ​രു​ക്ക പ്ര​വ​ർ​ത്ത​ന​ങ്ങ​ളെ​ല്ലാം പൂ​ർ​ത്തി​യാ​ക്കി​യാ​ണ്​ സ്കൂ​ൾ പു​തി​യ അ​ധ്യ​യ​ന വ​ർ​ഷ​ത്തി​ലേ​ക്ക്​ ക​ട​ക്കു​ന്ന​ത്. 

ര​ണ്ട്​ മു​ത​ൽ പ​ത്ത്​ വ​രെ ക്ലാ​സു​ക​ൾ​ക്ക്​ 13 വ​രെ ഒ​രു മ​ണി​ക്കൂ​ർ ല​ഹ​രി ഉ​പ​യോ​ഗം, അ​ക്ര​മ​വാ​സ​ന, മൊ​ബൈ​ൽ ഫോ​ൺ -സോ​ഷ്യ​ൽ മീ​ഡി​യ ഉ​പ​യോ​ഗം തു​ട​ങ്ങി​യ​വ സം​ബ​ന്ധി​ച്ചും ഹ​യ​ർ സെ​ക്ക​ൻ​ഡ​റി ക്ലാ​സു​ക​ൾ​ക്ക്​ റാ​ഗി​ങ്​ ഉ​ൾ​പ്പെ​ടെ​യു​ള്ള വി​ഷ​യ​ങ്ങ​ളി​ലും 21 വ​രെ ര​ണ്ട്​ മ​ണി​ക്കൂ​റും ബോ​ധ​വ​ത്​​ക​ര​ണ ക്ലാ​സും ന​ൽ​കും. പ​രി​ഷ്​​ക​രി​ച്ച പാ​ഠ​പു​സ്ത​ക​ങ്ങ​ൾ പൂ​ർ​ണ​മാ​യും സ്കൂ​ളു​ക​ളി​ൽ എ​ത്തി​യി​ട്ടി​ല്ല.   സൗ​ജ​ന്യ സ്കൂ​ൾ യൂ​നി​ഫോ​മി​ന്‍റെ കാ​ര്യ​ത്തി​ലും അ​നി​ശ്​​ചി​ത​ത്വം തു​ട​രു​ക​യാ​ണ്. ഈ​വ​ർ​ഷം മു​ത​ൽ മി​നി​മം മാ​ർ​ക്ക്​ സ​മ്പ്ര​ദാ​യം ന​ട​പ്പാ​ക്കി അ​ഞ്ചാം ക്ലാ​സ്​ മു​ത​ൽ ഒ​മ്പ​താം​ത​രം വ​രെ ഓ​ൾ പാ​സ്​ ഒ​ഴി​വാ​ക്കാ​നാ​ണ്​ തീ​രു​മാ​നം.