കേരളത്തിൽ അടുത്ത അഞ്ച് ദിവസം മഴ സാധ്യത തുടരും.ഇടിമിന്നലോട് കൂടിയ മഴയ്ക്കാണ് സാധ്യത നിലവിലുള്ളത്. സംസ്ഥാനത്ത് മഴ സാധ്യതകൾ ശക്തമാണെങ്കിലും ഒരു ജില്ലകളിലും ഇന്ന് മഴ മുന്നറിയിപ്പ് പ്രഖ്യാപിച്ചിട്ടില്ല. ഒറ്റപ്പെട്ടയിടങ്ങളിൽ ഇടിമിന്നലോടു കൂടിയ ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ഇടിമിന്നൽ അപകടകാരികളായതിനാൽ ജനങ്ങൾ അതീവ ജാഗ്രത പാലിക്കണം. തിരുവനന്തപുരം, കൊല്ലം, പത്തനംതിട്ട, ആലപ്പുഴ ജില്ലകളിൽ ഇന്ന് യെല്ലോ അലേർട്ടുകൾ പ്രഖ്യാപിച്ചിരുന്നുവെങ്കിലും മഴ കുറഞ്ഞതോടെ അലേർട്ട് പിൻവലിച്ചു. കേന്ദ്ര കാലാവസ്ഥ വകുപ്പ് മുന്നറിയിപ്പിൽ മാറ്റങ്ങൾ വരുത്തുന്നതനുസരിച്ച് മഴ അലേർട്ടുകളിൽ മാറ്റം വരാവുന്നതാണ്.
Post a Comment