മകരവിളക്ക് മഹോത്സവത്തിനായി ഡിസംബർ 30 ന് തുറന്ന ശബരിമല ക്ഷേത്രം നടപൂജകൾ പൂർത്തിയാക്കി ഞായറാഴ്ച അടയ്ക്കും. നാളെ രാത്രി 10 മണി വരെ മാത്രമേ ഭക്തർക്ക് അയ്യപ്പ ദർശനത്തിനുള്ള സൗകര്യം ഉണ്ടായിരിക്കൂ. നെയ്യഭിഷേകം രാവിലെ 9 മണി വരെയാണുള്ളത്.
മാളികപ്പുറത്തെ മണിമണ്ഠപത്തിൽ നിന്ന് ശരംകുത്തിയിലേക്കുള്ള അയ്യപ്പന്റെ എഴുന്നള്ളത്ത് ഇന്ന് രാത്രി നടക്കും. ഞായറാഴ്ച പുലർച്ചെ 5.30 ഓടെ തിരുവാഭരണം തിരിച്ചെഴുന്നള്ളിക്കും. ആറ് മണിക്ക് നട അടയ്ക്കുന്നതോടെ ഈ വർഷത്തെ മകരവിളക്ക് മഹോത്സവത്തിന് പരിസമാപ്തിയാകും.
Post a Comment