സംസ്ഥാനത്ത് കാലവര്ഷം ശക്തമാകുന്നു.
തെക്കന് മഹാരാഷ്ട്ര തീരം മുതല് കേരള തീരം വരെ തീരദേശ ന്യുനമര്ദ്ദ പാത്തി നിലനില്ക്കുന്നു. മണ്സൂണ് പാത്തി നിലവില് അതിന്റെ സാധാരണ സ്ഥാനത്ത് നിന്നും തെക്ക് ഭാഗത്തേക്ക് മാറിയതും മഴയ്ക്ക് അനുകൂലമായ സാഹചര്യമൊരുക്കി. പടിഞ്ഞാറന് ബംഗാള് ഉള്ക്കടലിന്റെ മധ്യഭാഗത്തായി ചക്രവാതചുഴി നിലനില്ക്കുന്നു. മറ്റൊരു ചക്രവാതചുഴി ആന്ഡമാന് കടലിനു മുകളിലും സ്ഥിതി ചെയ്യുന്നു.
തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂര് എന്നിവിടങ്ങളില് ഒറ്റപ്പെട്ടയിടങ്ങളില് മിതമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. കേരളത്തില് അടുത്ത 5 ദിവസം വ്യാപകമായ മഴയ്ക്കും ഒറ്റപ്പെട്ട സ്ഥലങ്ങളില് ശക്തമായ മഴയ്ക്കും സാധ്യത. നാളെയും മറ്റെന്നാളും ചിലയിടങ്ങളില് തീവ്രമായ മഴയ്ക്കും സാധ്യതയുണ്ട്.
ഇടുക്കി, കണ്ണൂര്, കാസര്കോട് ജില്ലകളില് ഇന്ന് ഓറഞ്ച് അലര്ട്ടാണ്. കേരള, കര്ണാടക തീരങ്ങളിലും ലക്ഷദ്വീപ് പ്രദേശത്തും മീന്പിടിക്കാനുള്ള വിലക്ക് തുടരുകയാണ്. കടലാക്രമണം രൂക്ഷമാകാന് സാധ്യതയുള്ളതിനാല് തീരദേശവാസികളും മുന്കരുതലുകള് സ്വീകരിക്കണം.
Post a Comment