ഭരണഘടന വിരുദ്ധ പരാമര്ശത്തില് മന്ത്രി സജി ചെറിയാന് രാജിവെച്ചു. രാജിക്കത്ത് മുഖ്യമന്ത്രി പിണറായി വിജയന് സജി ചെറിയാന് കെെമാറി. സിപിഐഎം നിര്ദേശപ്രകാരമാണ് സജി ചെറിയാന്റെ രാജി. രണ്ടാം പിണറായി മന്ത്രിസഭയിലെ ആദ്യ രാജിയാണ് സജി ചെറിയാന്റേത്.
ഭരണഘടനാ ലംഘന പരാമര്ശത്തില് സജി ചെറിയാനെ പിന്തുണയ്ക്കാതെ സിപിഐഎം കേന്ദ്ര നേതൃത്വം രംഗത്തെത്തിയിരുന്നു. ജനറല് സെക്രട്ടറി സീതാറാം യെച്ചൂരി വിഷയത്തിലെ നിലപാട് വ്യക്തമാക്കിയില്ല. സംസ്ഥാനത്തെ നേതാക്കള് യോഗം ചേര്ന്ന് തീരുമാനമെടുക്കട്ടെയെന്നാണ് യെച്ചൂരി പ്രതികരിച്ചത്.
സംസ്ഥാന നേതാക്കളുമായി താന് സംസാരിച്ചെന്നും ഉചിതമായ തീരുമാനം ഉടന് ഉണ്ടാകും എന്നും യെച്ചൂരി പറഞ്ഞിരുന്നു. ഇതിന് പിന്നാലെയാണ് സജി ചെറിയാന് രാജി പ്രഖ്യാപിച്ചത്
Post a Comment