രാജ്യവ്യാപകമായി തൊഴിലാളി യൂണിയനുകള് ആഹ്വാനം ചെയ്ത രണ്ടു ദിവസത്തെ പണിമുടക്കില് സംസ്ഥാനത്തെ പൊതുഗതാഗതം നിലച്ചു.
കെ.എസ്.ആര്.ടി.സി സര്വീസുകള് അടക്കം നിലച്ചു. പോലീസ് സംരക്ഷണത്തില് ചിലയിടങ്ങളിലേക്ക് കെ.എസ്.ആര്.ടി.സി സര്വീസ് നടത്തുന്നുണ്ടെങ്കിലും ശക്തമായ പ്രതിഷേധം കാരണം ഇവ നിര്ത്തിവെക്കേണ്ടി വരുമെന്നാണ് സൂചന. അതേസമയം, ചില സ്ഥാപനങ്ങളില് ജോലിയില് പ്രവേശിക്കുന്നവരെ സമരക്കാര് തടയുന്നുണ്ട്. സര്ക്കാര് ഓഫീസുകള് ഒന്നും തന്നെ പ്രവര്ത്തിക്കുന്നില്ല.
റെയില്വേ സ്റ്റേഷനുമുന്നില് കുടുങ്ങിയ യാത്രക്കാര്ക്ക് ആശുപത്രികള് അടക്കമുള്ള സ്ഥലങ്ങളിലെത്താന് പോലീസ് വാഹനങ്ങള് ഏര്പ്പെടുത്തിയിട്ടുണ്ട്. സന്നദ്ധ പ്രവര്ത്തകര് അടക്കം വാഹനങ്ങളുമായെത്തി ആളുകളെ സഹായിക്കുന്നുണ്ട്. അതേ സമയം കോഴിക്കോട് ജില്ലയുടെ പല ഭാഗങ്ങളിലും സംഘർഷാവസ്ഥ നിലനിൽക്കുന്നുണ്ട്.
Post a Comment