ചെരണ്ടത്തൂരില് വീടിനു മുകളിലുണ്ടായ സ്ഫോടനത്തില് പരിക്കേറ്റ ആര്.എസ്.എസ് പ്രവര്ത്തകന്റെ മൊഴി പൊലീസ് രേഖപ്പെടുത്തി.
വ്യാഴാഴ്ച വൈകീട്ടോടെ വടകര എസ്.ഐ എം. നിജേഷിന്റെ നേതൃത്വത്തിലെ സംഘമാണ് മൂഴിക്കല് മീത്തല് ഹരി പ്രസാദിന്റെ മൊഴി രേഖപ്പെടുത്തിയത്.
കഴിഞ്ഞ 16നു രാത്രിയാണ് വീടിന്റ ടെറസില് നടന്ന സ്ഫോടനത്തില് ഹരിപ്രസാദിന് ഗുരുതര പരിക്കേറ്റത്. എം.എം.സി മെഡിക്കല് കോളജ് തീവ്ര പരിചരണ വിഭാഗത്തില് കഴിയുന്ന ഇയാളുടെ മൊഴിയെടുക്കാന് പലതവണ പൊലീസ് ആശുപത്രിയില് എത്തിയെങ്കിലും പ്രതിയുടെ ആരോഗ്യസ്ഥിതി മോശമായതിനാല് മൊഴി എടുക്കാന് കഴിഞ്ഞിരുന്നില്ല. മൊഴിയുടെ വിശദാംശങ്ങള് പോലീസ് വെളിപ്പെടുത്തിയില്ല.
സ്ഫോടനത്തില് ഇയാളുടെ വലതു കൈപ്പത്തി മുറിഞ്ഞു മാറുകയും ഇടതു കൈപ്പത്തിയുടെ മൂന്ന് വിരലുകള് നഷ്ടപ്പെടുകയുംചെയ്തിട്ടുണ്ട്. ബോംബ് നിര്മാണത്തിനിടെയുണ്ടായ സ്ഫോടനമെന്ന നിഗമനത്തിലാണ് പൊലീസ് അന്വേഷണം പുരോഗമിക്കുന്നത്.
Post a Comment