റെയില്‍പാളം മുറിച്ചുകടക്കുന്നതിനിടെ അച്ഛനും മകളും ട്രെയിന്‍ തട്ടി മരിച്ചു. തലക്കടത്തൂര്‍ സ്വദേശി കണ്ടംപുലാക്കല്‍ അബ്ദുള്‍ അസീസ് (46) മകള്‍ അജ് വ മറിയം(10) എന്നിവരാണ് മരിച്ചത്.താനൂരിനും തിരൂരിനുമിടയില്‍ വട്ടത്താണി വച്ച്‌ ബുധനാഴ്ച രാത്രി 9.10നാണ് അപകടം.
സഹോദരിയുടെ വീട്ടില്‍ വിരുന്നിന് പോയ ഭാര്യയെ വിളിക്കാനായി പോകുമ്ബോഴാണ് അപകടം. വട്ടത്താണിയില്‍ കാര്‍ നിര്‍ത്തി മകളോടൊപ്പം മറുവശത്തേക്ക് കടക്കുമ്ബോഴാണ് സംഭവം. കോഴിക്കോട് ഭാഗത്തേക്ക് ട്രെയിന്‍ വരുന്നത് കണ്ട് അടുത്ത ട്രാക്കിലേക്ക് മാറിയപ്പോഴാണ് അപകടം. കോഴിക്കോട് ഭാഗത്തുനിന്ന് എത്തിയ ചെന്നൈ എക്സ്പ്രസ് ആണ് ഇടിച്ചത്.
അബ്ദുള്‍ അസീസിന്റെ മൃതദേഹം ചിന്നിച്ചിതറിയ നിലയിലായിരുന്നു. മൃതദേഹങ്ങള്‍ തിരൂര്‍ ജില്ലാ ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്.
Post a Comment